طريقة عمل شوربه المشروم ( الفطر)

200جم مشروم و ياحبذا يكون فريش بيفرق تماما فى الطعم و الفايدة عن المعلب
معلقتين كبار زبدة (احسن حاجة مع المشروم الزبدة و لا سمنة و لا زيت)
2 معلقة كبيرة دقيق
علبة كريمة طهى 200 مللى
2 كوب شوربة فراخ
بصله صغيرة مفرومة كويس مع فصين توم
ملح و فلفل

بنسيح الزبدة فى حلة (مش طاسة حلة) مع شوية زيت عشان الزبدة متتحرقش
نحط البصل و التوم المفرومين و نشوح دقيقه فى الزبدة
 نضنحط نص كمية الدقيق على المشروم و نقلب كويس و بعدين نحط كوبايتين الشوربة و نقلب تانى و نسيبها لحد ما تتخن و لونها يفتح شوية

أثناء ما الشوربة بتغلى بنفضى الكريمة فى اى بولة و نحطلها باقى الدقيق و نقلب كويس جدا لحد ما الدقيق يختلط و يدوب فى الكريمة عشان لو حطيناه على طول هيكلكع على النار

لما الشوربة تبدأ تفور على النار نحط الكريمة و الملح و الفلفل حسب رغبتك و نقلب كويس و يا دوب بس اول غلوة نطفى النــــــار

مش بضربها فى الخلاط خااااالص لأنها احلى حاجة فيها قرمشة المشروم مع الكريمة و شكله حلو.

لو مش هتقديمها على طول غطى عليها فورا عشان متعملش وش. و لو حبيتيها تكون أخف زودى شوربة زى ما تحبى.

طريقه عمل المايونيز في البيت سهله و سريعه

المقادير

• بيضة كبيره
• ملعقة كبيرة ميه
• حوالى من كوباية ونصف لكوبايتين زيت ذرة أو عباد شمس(نصف لتر زيت عالبيضة الواحدة)
• ملعقة كبيرة مستردة
• نصف ملعقة صغيرة ملح(الملح باحتراس)
• ملعقتان كبار خل
• عصرة ليمونة

الطريقة:
ضربت البيضة على حمام ميه دافيه
الأول جبت حلة مليت نصفها ميه وغليتها على البوتاجاز وحطيت فى قعرها منديل ورق لمنع التلامس المباشر
وجبت علبة بلاستيك( حيز ضيق)وحطيت البيضة كامله وعليها معلقة الميه
وممكن بولة زجاج زى ماكان الشيف عامل فى الوصفة أهم حاجة يكون حيز ضيق

و نخفق البيضه

وبعدين حطيتها فى التلاجة تبرد شويه (حوالى 10 دقايق عشان يرجع لدرجة حرارة الغرفة لإن البيضة سخنة نتيجة حمام الميه الدافيه بس ما بتكونش سخنه كتير ف 10 دقايق كافيه ليها تبرد وترجع تانى لدرجة حرارة الغرفة

ودة عشان البيض والزيت يكونوا فى درجة حرارة واحدة( زى ما الوصفة بتقول) 
وبعدين ضفت الزيت بالتدريج يعنى نقطتين زيت وهاتك يا ضرب وهكذا 
طبعا الزيت لازم ينضاف تدريجيا وكل مرة بلاقى البيض نفش والقوام تقل  و بعدها نضيف كميات من الزيت 

و بعدها نضيف المسترد ( الخردل) و الخل و الليمون 

بعدها قومي بوضعها بعلبه حسب المتوفر 

طريقة عمل الفول سهله جداً

كيس فول ( نص كيلو او حسب الرغبه )

ننقعها يومان في الماء 

بعدها نقشر الفول و نضعه في الخلاط 

و نضع فوقه ملح و الليمون و الفلفل الاحمر او الشطه و الخل ( حسب الرغبه )

و نضربهم في الخلاط و من نضعه على النار لمدة لمده 10 دقائق و بعدها يقدم

طريقة عمل مكدوس الباذنجان

• المقادير:باذنجان وسطثوم مفرومفلفل احمرلوز (نئ مش متحمص
• التحضير:هنقص الجزء الطويل اللى فى راس الباذنجانه ومش بنشيل الجزء اللى على الباذنجانه
  عشان نحافض عليها وهى بتتسلق
  نغسل الباذنجان
• الطبخ:نغلى الماء وبعد ما تغلى نسلق فيها الباذنجان نص سلق يعنى بحدود عشر دقايق وليس اكتر
  نحط مكونات الحشوة كلها على بعضها
  الملح هيكون زيادة حبتين عن الحدق هنحشيه بالحشوة على طول
  هنشيل الجزء اللى فوق على رءس الباذنجانه اللى كانت سيبها
  ونفتح الباذنجانة من النص ونحشيها بالحشوة اللى حظرنها
  وبعد ما نحشى كل الكمية نرصهم فى حاجة غويطة
  وهسبهم 6 ساعات او لتانى يوم لو كنت عملهم بالليل واو العكس
  تانى يوم هحطهم فى مصفى
  عشان يصفوا ميتهم وبحط عليهم تقل
  بعد ال 3 ايام
  شوفوا شكلهم زاى ما هو
  والله رحتهم خطيرة مووووت بعدها بعبيهم فى مرطبان او اى حاجة عندى
  وبكبسهم كويس بايدى على قد ما اقدر لازم يكونو مضغوطين على بعض وما فيش فيهم هو خالص
  وبعده بحط عليهم الزيت بغطيهم لمدة اسبوع
  بعد اسبوع فتحت عليهم وطلعت منهم وكلنهم
  رووووووووووووووعة وحاجة تفتح النفس

طريقة عمل الطحينية

مقادير صنع الطحينة
كوب سمسم محمص مطحون 
كوب دقيق
نصف كوب سودانى مقشر ومطحون ( ممكن الاستغناء عنه )
كوب زيت

الطريقة 
ضعى كل المقادير فى الخلاط واضربيهم جيدا واذا حسيتى انها خفيفة قوى زودى شوية دقيق واذا حسيتى انها سميكة قوى زودى شوية زيت 

واضربيهم جيدا وضعى المقدار فى برطمان زجاجى واستخدمى منه عند الحاجة 
طعمها جميل جدا 

طريقة عمل الفتوش

المقادير:
2 حبة طماطم كبيرة
2 حبة خيار كبيرة
بصلة صغيرة
اربع فصوص ثوم مفرومين
نصف واحدة كبوتشى
رابطة بقدونس
1 حبة فلفل رومى كبيرة
1 رغيف عيش محمص
2 ملعقة كبيرة زيت زيتون
التتبيلة:
2 ملعقة كبيرة خل
3 ملاعق كبيرة زيت زيتون
عصير ليمونة كبيرة
1 ملعقة كبيرة سماق
ملح و فلفل
الطريقة :
1. نقوم بتقطيع الطماطم و الخيار و الفلفل مكعبات صغيرة

2. نقوم بفرم البصلة الى قطع صغيرة 
3. نفرم الثوم بالسكينة
4. نقطع البقدونس و الكبوتشى 

5. نضع كل المكونات فى طبق عميق و نضع عليهم زيت الزيتون و نقلب 

6. نقوم بخلط كل مكونات التتبيلة جيدا

7. نقطع العيش المحمص الى قطع متوسطة و نضعه على باقى مكونات السلطة
8. نضع التتبيلة على السلطة و نقلب جيدا 
مصرتش الخطوتين اللى فاتو
9. نتركها فى الثلاجة لمدة نصف ساعة قبل التقديم 

سلطة الباذنجان

المكونات:-1-حبة باذنجان من دون تقشير 2
2-بصلة واحدة
3-فلفل اخضر عدد2
4-حبة طماطم كبيرة
5- رشة ملح  6-ملعقتين اكل كبيرة كجب او حسب الرغبة
7- ملعقة اكل عصير ليمون و ملعقة اكل دبس الرمان

طريقة العمل:-

1-نقوم بتقطيع الباذنجان الى اصابع رفيعة ونضعه في المقلاة
2-نقطع البصل الى شرايح رفيعة ونضعه مع البادنجان في المقلاة ونستمر بالتقليب الى ان يذبل البصل ويتحول للون الذهبي
3-نقطع الفلفل الاخضر الى اصابع رفيعة ونضعه مع البصل والباذنجان وتستمر بالتقليب
4-اخيرا نقطع الطماطم الى اصابع ونضعها مع بقية المكونات ونستمر بالتقليب معا
ثم نرفعه عن النار ونضعه في صحن عميق نضيف له الكجب (صلصة الطماطم) ووعصير الليمون ودبس الرمان ونخلطه معا وتوضع في الثلاجة على الاقل نص ساعة.